2016年11月20日 星期日

♥ 滿屋日本料理 ♥ 

住荃灣既好朋友話最近佢屋企附近新開左間食放題既餐廳,於是佢就book 定同我今晚食~
所以今日成日食左好少野,留定肚食餐勁既 !!
  
間野叫滿屋日本料理,係眾安街果頭,好易搵~
 

 
 
一去到拎野飲,任拎任飲,唔好講笑,d 款多到!!!
有選擇困難症既我最後揀左忌廉鮮奶~
   

 
 
呢度有個類似沙律吧既位置,
夾左好多蝦、青口食,螺肉食~
    

 
 
我地坐低後,畫左 d 刺身先,最中意帶子、甜蝦、拖羅~
d 拖羅係超正,睇同食得出堅新鮮,一定要食!
   

  
  
串燒都好好食,燒得岩岩好!
牛舌帶有少少盬+黑椒味,味道唔錯,之後都有再encore~
而菠蘿係超多汁,好甜添 =]
     
   
  
燒鯖魚同雞翼脆度適中,唔會過咸、過淡! 
    

  
  
羊扒出奇地冇羶味!
  



仲有我最中意既秋葵,燒得外殼好脆,正!


  
  
焗蠔食得出粒蠔既鮮味,
另外,值得一提既係焗完蠔,粒蠔冇縮到好細粒,依然大粒~ 所以又係再encore =]
  

  
  
仲有,呢度有蛇羹食,好少食放題既地方有~
不過食上去味道比較似碗仔翅haha!
   

 
 
最後朋友要叫碗烏冬同牛肉鍋先心惜,但我已經好飽呀~
食左幾片肥牛,好鮮嫩又冇咩肥膏,都算係咁!
    

  
  
最後埋單 hk$235,因為全單有85折~
只需7:30 前離開/ 9:30後入座,就有咖喇!
所以我覺得係超抵 =]
  



沒有留言:

張貼留言