♥ 鐵板先生 ♥

早幾日，同一班好耐冇見既好朋友來到佐敦山林道覓食 =]
一路行會發現好多日本料理既餐廳，但由於其中一位朋友 lunch 先食完日本野，所以我地揀左鐵板先生食晚飯 =]




雖然呢間係以食鐵板為主，
不過佢地既刺身都十分新鮮，絕不遜色！

　 　

磯煮大鮑魚，
雖然鮑魚切得薄，不過依然可以食到肉質鮮嫩，兼帶有煙韌感！

　　

試過小食後，就要開正餐 =]
我地點了：活龍蝦、日本廣島蠔、香草龍利柳、美國安格斯薄燒、法國羊架等。。。

 　

 

活龍蝦生猛大隻，而且很新鮮 =]
師傳一邊燒龍蝦、一邊整 Creamy 牛油龍蝦汁。

 

龍蝦口感十分彈牙，甜美滋味，
再沾少少隨盤附上既 Creamy 熱奶油，奶油香包覆在蝦肉外層，當下覺得很滿足 =]

 

平時食鐵板燒，成日點銀鱈魚，今次好特別，我地點左個香草龍利柳！

師傳左邊燒龍脷魚，調味方面用了食鹽、香草等，很快就燒到金黃色。
另一邊整日本廣島蠔，調味方面用了煙肉、香蔥等。
 　

香草龍利柳帶有金黃色，
口感外脆內嫩，我個人喜歡配上洋蔥汁食！

而日本廣島蠔即使燒完都冇大縮水，keep 到肥美；
另外，廣島蠔亦冇我最怕既腥味，蠔汁食得出蠔既鮮甜 =]

　

美國安格斯薄燒，師傳煎到 6 - 7 成熟。

安格斯牛肉內包著蒜及蔥粒，
我點了燒汁食，味道亦不會遮蓋牛肉既鮮嫩！

   

蝦米雜菜炒麵，師傳一路炒我就覺得很香！
炒麵軟身、雜菜蝦米香脆可口，加上燒汁，味道一流。
 

日式炒雜菜主要用上椰菜、芽菜、蘿蔔絲，
口味淡淡，沒有特別，不過好爽脆！

　

食完咁多熱氣野，
再來一杯綠茶雪糕，為這餐 dinner 畫上完美既句號 =]