♥ The Staff ♥

最近朋友搬入大角咀，今日入去探佢，之後諗住食返餐好～
佢就帶我黎到間新開既餐廳，叫 "The Staff"。
　

　
　
Dinner set 有好多選擇。
starter 可以 5 揀 2，加個main course，仲有甜品、餐茶～
價錢$138-$178，免加一，睇落都幾抵！

　

　
　
Starter 其中一款有湯同餐包，蕃茄湯味道濃郁，唔錯！
我同朋友一人一碗湯 =]

  　　

　
　
另外，parma ham 同魷魚沙律，
個人覺得份量安排得岩岩好，好清新 ～

 　

　
　
紫菜海鮮麵豉忌廉長通粉唔會太 creamy，我最怕係有油膩感，好彩冇～
長通粉食落口好爽，而呢碟既海鮮有好多種類，eg. 三文魚、蝦、魷魚，幾抵食！

　　　

 
 
另外，炭燒七味牛小排配甘筍牛油飯真係好正～
肉質軟嫩，相信係因為炭燒，會將水分都鎖 0向肉入面，好食 =]
甘筍牛油飯就唔夠多甘筍，如果甘筍既份量多少少就好！

　

　　
　
之後上埋甜品，焦糖燉蛋、草莓奶凍都唔錯，唔會好甜！
　

　
　
咖啡好有心思呢，有餐廳既名字 ~

 

　
　
飲埋杯熱朱古力，好滿足 =]