大坑 ♥ The Pudding Nouveau ♥

一直都很中意大坑 The Pudding Nouvea ♥
難得有個朋友未食過呢間餐廳，一於就帶佢就試試！
 



夏天太熱既關係，我地先叫 2 杯野飲：綠茶奶昔、士多啤梨奶昔。
2杯奶昔好彩是比較淡味，因為配上雪糕就會有少少甜，整體感覺唔算 heavy！

之後點左 2 個main - ♥ Duck Confit & Waffle ♥

未到檯前，已經聞到好香！！
鴨腿表面好似乾爭爭，但其實食上口 d 皮係超脆、可口，
鴨腿肉方面，係好滑、嫩，而且淡淡都係肉 =]

另外，旁邊兩塊牛油味既窩夫配上甜甜焦糖蜜糖醬，
加上帶有蛋汁既鴨腿，可以一次過品嚐到咸咸、甜甜既味道，感覺特別！

　

另一個main course 就係 ♥ 龍蝦焦糖燉蛋配龍蝦肉燒蘑菇 ♥　

木板上超豐富，雙眼發光 =]
有半隻釀入龍蝦汁蘑菇既龍蝦、一盤龍蝦焦糖燉蛋，以及三塊麵包片！
單睇賣相，好吸引，不過要食過先知味道如何！

龍蝦肉係預先拆左既，所以很易取出！
配以龍蝦汁熬既醬汁，龍蝦肉啖啖都覺得好濃郁，而且十分爽口、彈牙 =]

另外，麵包片烘得好香脆、可口，我中意將龍蝦肉放上去食，再加上焦糖燉蛋，
不但香滑、濃郁，味道都好驚喜，值得一試。