♥ Wing's Kitchen ♥

尋晚同好朋友行行下街，發現原來已經 8 點，係時候要食飯！
咁岩經過 Wing's Kitchen，d 野望落都岩食，於是就試下啦 =]
　　　　　　



入到去見到 d 佈置都幾靚，感覺舒服 =]

我地回左個 2 人餐，
有磨菇薯仔湯 + 帕爾瑪火腿沙律配香醋汁。

磨菇薯仔湯飲上口，係超濃郁的磨菇味，而且好香滑！
入面有勁多薯仔，所以入左呢碗湯之後會有少少飽肚感 =]

而 parma ham 沙律係好新鮮，加左少少香醋汁，食上口酸酸地；
雖然碗湯有少少飽肚感 ，不過食完個沙律之後，又變左好開胃！
   

Main course 我地點左 8安士美國頂級穀飼西冷扒。

要左７成熟，切開後好多汁滲出，
而且肉質非常鮮嫩，唔會好難嘴嚼，口感不錯。

配上我最中意既粗薯條，好熱好脆，十分滿足 =]

　

另一個 Main course 係黑松露醬鮮帶子意大利燴飯。

真心覺得個飯好正 ♥
佢望落有d creamy， 但佢係一 d 都唔肥膩咖，飯的硬度適中，唔會硬得滯！
飯上既黑松露醬，可以為碟飯調下味，而且唔會過多 / 過少，份量剛剛好=]
值得一讚既係 d 帶子係超大粒 + 爽口彈牙，誠意推介呢個飯 !!
   

最後餐飲點左杯熱朱古力奶，好彩它冇過份甜，味道剛剛好 =]