♥ 億饍 ♥

早 2 晚黎到油麻地果頭同好朋友行街，之後搵食～
見到有層新既商業大廈，入面有D 餐廳，於是就揀左億饍！
一入到原來都幾多人。。。
　

　
　
除左室內，亦有室外～
餐廳仲有酒牌，可以係室外睇波、飲酒！

　

　
　
我地最後揀左室內～　
坐低先睇睇MENU，見到個龍蝦孖寶，即刻好想食！

　

　
　
菜式有多選擇，有越、泰、中、中西 fusion ~

  　

　
　
一黎先飲個椰子烏雞排骨燉湯。
入面勁好料，椰子超爽，燉湯味道濃郁，飲完好溫暖！

　　

　
　
我地點左個龍蝦孖寶餐，星期日當日就係桂花 BB 鴿！
鴿肉非常嫩滑，不過如果係炸既話，應該會更香口、好吃！

　

　
　
重點 - 個龍蝦我地揀左避風塘野生辣龍蝦 ~
由於好朋友唔食得太辣，所以我地 Request 左少辣 =]
龍蝦肉質鮮美，蒜頭炒到乾燥酥香，令到成隻蝦更野味！

 　

　
　
最後再叫左個菠蘿炒飯先滿足～
入面勁多料，有菠蘿、鮮蝦、蟹柳等，睇到賣相已經胃口大開！
飯炒得好乾身，而且食落好香，唔錯 =]

 　　

最後埋單，職員勁好送左個椰汁黑燸米比我地！
食落唔會覺得太膩，椰汁味仲好香～

　

小評：
　
味道：★★★★★ 
環境：★★★★★
服務：★★★★☆
衛生：★★★★★ 
抵食：★★★★☆