♥ 岩浪天扶良日本料理 ♥

前幾日同男友拍拖周年紀念，佢神神秘秘一早 book 左間日本餐廳同我食 dinner ～
去到間餐廳 - "岩浪天扶良日本料理"，果度有得食由師傅發板既壽司 / 散叫menu 上既食物！
 　

　
　
由於我見到menu 上太多我中意食既野，所以決定散叫 ~
　
先來 "特上壽司拼盤" (hkd 380) ~
賣相極之吸引，用料新鮮又鮮甜，最愛吞拿魚、海膽、帆立貝！

 　

　
　
清酒煮蜆，
蜆肉粒粒都大隻，非常鮮甜！
　　

　
　
山葵八爪魚，
少辣，充滿海水味，非常開胃！

 　

　
　
叫左個三色丼～
有我最中意既海膽、三文魚子、吞拿魚蓉！
賣相好正，吞拿魚份量勁多，三文魚子粒粒都晶瑩剔透，海膽非常新鮮 =]
一路食，一路都覺得有幸福滿瀉既感覺，好中意 ♥

　

　
　
鹽燒雞翼，
必點串燒，燒雞翼唔會過咸、鹽味適中，而且啖啖肉！

　

　
　
海鮮釜飯～
　
要大概30分鐘先可以食，一打開釜飯，好多蒸氣，海鮮鮮味湧出黎！
入面有蝦、帶子、蜆肉等等～
　　
海鮮味完全滲入每粒珍珠飯，好鮮甜，
隔多一陣再食 d 飯，好軟綿綿，唔錯 =]　

  　

響螺清湯燒，螺肉切食一片片，
肉質結實、鮮味足，具彈牙口感 =]
一路夾起一片片既螺肉，之後會見到有湯水，飲落非常鮮甜可口！

  　

最後黎個牛油露筍，用牛油炒果然好香，露筍非常爽口！
不過如果個份量再多d 會開心d ~

最後埋單 around HK$1400 ~
慶祝紀念日黎講，價錢好合理，而且環境舒服，服務、味道又好！

值得一食！

小評：
　
味道：★★★★★ 
環境：★★★★★
服務：★★★★★
衛生：★★★★★ 
抵食：★★★★☆