♥ MOREISH & MALT ♥

星期四晚去左觀塘睇朋友踢波，
之後佢提議話食 MOREISH & MALT，反正未食過，就一於試下。

　　　



一開始，先黎餐包。
餐包非常柔軟，配上黑醋和欖橄油。
　

之後就點左個香辣吞拿魚藜麥沙律。

個沙律份量好多，除左滿滿既菜係底之外，
d 吞拿魚都有好多塊，而且非常新鮮絕不 hea 場！
而另外，藜麥既煙韌口感好正，佢係超級有營養價值咖，
聽講就連NASA科學家都選佢為最佳宇航員食品，估唔到健康食品都可以咁好味 ♥
　　

雞胸牛油果醬三文治

呢個三文治真係超推介=]

首先我係一個超中意牛油果既人，又係一樣非常健康既 super food !
佢 d 牛油果醬超。級。多！！唔會過分濃味，淡淡既又唔heavy =]
雞胸肉，出奇地嫩滑，而且又大大塊，真心覺得抵食。

牛油果醬超多!!!




雞胸肉大塊又嫩滑！
　

最後再點個 MOREISH 水牛城燒烤汁雞翼，濃郁多汁！
加埋d bluecheese 醬+西芹，清清地，味道唔錯！

　  

另外點左 2 杯野飲，
Kanom - 岩哂我個朋友，超涼即時降溫！
有菠蘿汁 、 橙汁 、 藍莓，味道酸酸甜甜，一路飲一路覺得開胃 =]
 

而我就因為唔飲得凍野，所以點左杯熱朱古力！
朱古力味道濃厚，但又唔會太甜，味道岩岩好呢 =]