♥ 灣仔 - 紫蘭花 ♥

早兩日放工後，會同朋友去書展！
臨去書展前，朋友提議話不如食左飯先行，於是我地近近地揀左橋底既紫蘭花。
　



超中意食無骨鳳爪，所以一見到即刻要 order !
呢個無骨鳳爪酸酸辣辣，但好彩唔係大辣果種，食落好開胃 =]

   

另外我地點左 1 碟菜芯 + 1 碟雞翼，
菜芯係用滾水淥熟，只係加左 d 蠔油0係旁邊，所以係完全冇味精，健康之選=]

而雞翼十分香脆可口，配上甜酸醬，好滋味！ 　

之後正餐 - 海南雞飯 !

油飯好香好軟，又唔覺得膩；
而 d 雞真係堅正，因為好嫩滑，仲要啖啖都係肉，去哂骨，正！

　

蝦菠蘿炒飯 料相當充足，勁多蝦 + 菠蘿，
d 飯炒到一粒粒，好有口感！