♥ Naked 原の味 ♥

尋晚同 2 個大學同學食 dinner，佢地揀左尖東一間日本餐廳 - Naked 原の味 ~

         

　
　
一開始，點左個原之味赤身沙律 ~
　
份量超多，有好多我最中意既牛油果、煙燻過既吞拿魚，仲有藍莓、nuts。
overall 個沙律賣相又靚，食落又正，值得推介！

　　

　
　
另外，點左個 toro sake set ~
有杯sake + 3 種唔同style吞拿魚壽司！(有拖羅、燒過、吞拿魚蓉)
呢盤吞拿魚壽司賣相真係好靚，完全唔捨得食～配埋杯sake 簡直perfect match！
　　

　
　
點左個"原之味炙燒芒果醬三文魚押壽司"，
炙燒三文魚味道濃郁，上層既芒果醬好特別，個配搭好新鮮。
　　

　
　
仲點左碗玉子海帶豆腐味噌湯，
最中意d 湯熱辣辣，入面既蛋花令到成碗湯好靚，
湯味同平時d味噌湯既分別就係呢碗有蛋香味，yummy！
　　　

　
　
黑松露蟹醬配脆米餅～
個米通好脆，加上creamy 既黑松露蟹醬係有少少膩，食左2塊已經有少少飽肚感 !

  　

　
　
滿滿既黑松露蟹醬鋪上米通，正！

　

 　　
  
尾聲仲有個本菇藜麥黑松露溫泉蛋意粉~
意粉非常滑溜、煙韌有彈性，配上溫泉蛋汁及濃郁既菇味，口感層次更豐富！

　　

　
　
最後要食埋個甜品先滿足，我地叫左綠茶蕨餅雪糕～
綠茶蕨餅，有Q彈口感；中意綠茶既朋友唔好錯過！！