♥ 抹茶控必試 ♥ 京林屋 ♥

今晚放工同朋友去銅鑼灣希慎買衫，然後再一齊dinner =]
朋友揀左京林屋，話咸食甜食一次過攪惦，唔洗煩！
　　

　
　
佢點左個鰻魚定食，跟麵豉湯。
鰻魚既份量好多，食落又香又可口；

不過飯既份量只有大約碗半飯，男生來講唔算好夠飽～

 　

　
　
而我就點左個抹茶喬麥麵～
喬麥麵好特別，食落質感滑溜，而且真係帶有抹茶味！

　　　

　
　
飲品就叫左杯抹茶沙冰share 飲~
香濃抹茶奶味，好彩唔會好甜，味道剛好，最怕d甜到漏既飲品！

 　

　
　
食完主食當然要試試呢度既甜品！
　
叫左個香港限定芭菲 =]
又係同朋友share 食，我地２個都好中意！
因為好多配料，感覺好豐富又有層次感，配料有: 綠茶軟雪糕，白玉丸子，紅豆等.

 　

　
　
特製林屋抹茶餡蜜～
超中意佢個綠茶蕨餅，有Q彈口感！
仲有旁邊既餡蜜撈埋落去d綠茶雪糕、白丸子、紅豆等，甜甜地又唔膩，正 =]

  　

　
　
OVERALL:
　
味道 ♥♥♥♥♥
環境 ♥♥♥♥♥
服務 ♥♥♥♥
衛生 ♥♥♥♥♥
抵食 ♥♥♥♥