2017年7月2日 星期日

♥ 一鍋豐 ♥

難得好友今晚想打邊爐,就一於陪佢~
聽同事講旺角間 " 一鍋豐" 好 OK,所以我打上去問有冇位,好彩有位,入到去有得即刻食!
 

 
 
由於我同朋友都中意食海鮮,又想飲紅酒haha ~
所以今晚揀左象拔蚌果個餐!
 
留意返,另外2個餐冇得免費飲紅酒 / 白酒/ 藍妹啤酒~
要飲就要額外加錢。
  

 
 
個menu 有好多種類揀,仲有刺身任食!
  

 
 
火鍋配料都幾多款式!
  

 
 
飲品係自助形式,任飲!
 

 
 
呢個餐包左一個海鮮拼盤,
包括象拔蚌、珊瑚蚌、桂花蚌、蟶子、蝦、鮑魚、蠔、海星班等,
超豐富唔好講笑,有份量之餘亦有質量,唔係hea 果d貨式~


 
 
刺身都非常新鮮!
 

 
 
揀左個蕃茄鍋~


 
 
之後就黎我地中意既食物~
有花膠、墨魚丸、蝦丸、芝士豆腐、豬皮、豬紅 =]
望落賣相都好新鮮,乾淨!


 
 
仲有安格斯牛肉、手切肥牛、帶子、牛骨髓、豬潤、雞、炸魚皮等~


 
 
真心推介安格斯牛肉!!
超鮮嫩,又淋,有九龍城既質素,比100 分!
我地encore 左2碟xd


 
 
最後當然要食蔬菜啦,洗得超乾淨!


 
海鮮新鮮好味。


 
 
仲有我地呢個餐,係包紅酒、 白酒、 藍妹啤酒~
我同朋友都揀左紅酒啊!!講真,真係好抵~
如果叫其他餐,又要飲紅酒,好似要extra 比多$28 咖!
 

 
 
最後食埋雪糕、雪條先滿足~
  

 
 
果度亦有個雪糕區,可以自己整返杯~
  

 
 
最後埋單,只需每人$288 ~
冇加一,真心抵,下次會帶爸媽黎食!
 

沒有留言:

張貼留言