YUMMY 冬蔭功鍋~~

好耐都冇打邊爐喇~~~
今晚同好友黎到CWB牛陣打邊爐,見到有一新嘅冬蔭功鍋,包左海鮮、牛肉同啤酒,見唔錯, 就試下啦~
一開始店員先幫我地用牛脂肪逼出啲油份,之後放蝦同魷魚去炒香佢,最後加埋冬蔭功湯料就大功告成~

先講下個湯,佢係少辣嘅,不過如果想要好辣嘅,就可以自行加返辣椒調教口味;
而個湯都幾鮮甜同帶有微酸, 幾開胃!!

海鮮包左蠔、帶子、魷魚, 蠔唔會縮水既, 食落啖啖肉, 而帶子大大粒又嫩口, 魷魚彈牙又有味~~
牛肉係頂級澳洲牛, 好嫩, 加埋冬蔭公湯味, 真係好入味, 唔錯~~

出面可以任拎菜、小食, 我地就大量拎菜、菇, 而甜品有HAGGEN DAZS 4款味既雪糕, NICE!