♥ 上海婆婆 ♥

今晚約左個舊同事0係將軍澳坑口食飯，
佢話想食上海野，於是我地就黎左上海婆婆～
 　　

　
　　
食上海野一定要點小籠包～
小籠包皮薄，細細咬開，肉汁濃郁，豬肉彈牙，唔錯！

　 　

　
　
小食點左個花雕醉雞，
醉雞有好香既花雕酒味，雞件都好滑、而且啖啖肉，冇咩骨！

　 　　

　
　
另外點左2個湯，分別有：
　
上海酸辣湯、雪菜桂魚羹，
佢地既份量都相當多，而且十分足料，正～

 　　

　
　
之後點左個婆婆炒菜飯，好中意 d 飯係一粒粒，好有咬感～

 　

　
　
小菜方面點左個開心果露筍炒牛肉粒，
露筍配上開心果，口感爽脆清甜，十分爽口～
而牛肉粒亦十分鮮嫩，份量亦很多！

 　

最後埋單每人 around $200，價錢合理！
不過我覺得我地點多左，攪到食唔哂，要打包返屋企～