♥ little vegas ♥

尋晚去左 little vegas 食 dinner，唔知係咪星期五既關係，夜晚7點幾去到已經好多人！
好在朋友一早幫我排定隊，所以去到已經有位！

坐低一陣即睇menu order ，因為呢度限時90分鐘。
 



一開始先點個蕃茄湯，因為近日屋企冇煲湯，突然之間好想飲。

呢個蕃茄湯好濃味，而且又唔會酸酸地，很易入口，原來佢隨湯附送蒜蓉包 tim!
蒜蓉包香脆可口，將它浸入湯內，很正！
   

另外，我地亦點左一碟蒜蓉包！
6個包入面有3個係脆，另外 3 個係軟林林的；
可以食到唔同口感，又唔會過份熱氣，好貼心=]

    　　　

至於正餐，朋友點左個香腸拿破崙長通粉。

車喱茄、香腸不算太多，
相反比較下，長通粉份量十足，而且好彈牙！
　 　

而我就點左個卡邦尼幼意粉，
個汁好奶油、好香，而且超creamy，i like it!!
而幼意粉平時好少食，估唔到它軟硬適中，加上煙韌的磨菇，好爽！