♥ SWEET MONSTER 爆谷雪糕 ♥

早幾日來到沙田逛，主要諗住去 i.t 買新衫過年 =]
點知比我見到 SWEET MONSTER !!
  



同朋友入到去，見到好多唔同味既爆谷，
一直都未試過，大家見到都覺得好吸引，於是決定食完甜品再作戰買衫啦 haha =]

 

我地叫左 2個甜品，1杯飲品！

先來個芝士焦糖爆谷雪糕 ♥♥♥
雖然芝士爆谷同焦糖爆谷的數量有 d 唔平均，
不過mix 埋既味道+雪糕，又甜又咸又凍既感覺好爽！

最中意佢 d 爆谷係超脆！
同朋友一人一啖好快食哂 =]

另外，亦叫左個香蕉 tiramisu x icecream ♥

唔知係咪愈黎愈多人，呢個雪糕d 醬好似落得好 hea，而且感覺好快溶 ><
香蕉 + tiramisu 既配搭好岩，感覺佢地 mix 埋既香濃度掩蓋左奶味極重既雪糕呢!!
朋友超中意個tiramisu，一 d 都唔膩！

　

食左2個甜品，有d 口乾，於是就即場點左杯熱朱古力！
朱古力濃得黎又唔 heavy，而且感覺好溫暖 ♥

最後我地仲買左少少爆谷返屋企呀!!

唔少得一定要買焦糖芝士爆谷！
咸甜適中，very nice =]
   

另外，亦買左個士多啤梨味！
士多啤梨極濃，酸度比我想像中少，食落又 ok 喎 =]